"YeneTube" Telegramm-Kanal

Logo des Telegrammkanals yenetube - YeneTube
1,233
Themen aus dem Kanal:
Artland
Shegerhive
Ethiopia
Addisababa
Hiking
Marakiconsultancy
Free
Logo des Telegrammkanals yenetube - YeneTube
Themen aus dem Kanal:
Artland
Shegerhive
Ethiopia
Addisababa
Hiking
Marakiconsultancy
Free

"YeneTube" Telegramm-Kanal

Adresse des Kanals: @yenetube
Kategorien: Uncategorized
Abonnenten: 166,602 (Datum der Aktualisierung: 2021-12-05)
Beschreibung vom Kanal

መረጃዎችን ለመላክ @Fikerassefa

Kommentare

Sie müssen sich einloggen, um einen Kommentar abzugeben.



Die neuesten Nachrichten

2021-12-04 22:20:06
Picture 1 from YeneTube 2021-12-04 22:20:06
በተለያዩ የማህበራዊ ትስስር ገፆች የድርጅታችን አውቶብስ ላይ አደጋ መድረሱንና የሰው ህይወት ማለፉን የሚገልፅ የተሰራጨው መረጃ ሃሰት ነው-አንበሳ የከተማ አውቶብስ አገልግሎት ድርጅት

ማምሻውን በተለያዩ የማህበራዊ ትስስር ገፆች የድርጅታችን አውቶብስ ላይ አደጋ መድረሱንና የሰው ህይወት ማለፉን የሚገልጽ የተሰራጨው መረጃ ሃሰት መሆኑን አንበሳ የከተማ አውቶብስ አገልግሎት ድርጅት አስታውቋል ።

ከ ሁለት አመታት በፊት የተፈጠርውን አደጋ ዛሬ የተፈጠረ በማስመሰል የሃሰት እና የሽብር መረጃ ለማህበረሰቡ የማዛመት ስራ እየተሰራ መሆኑን ድርጅቱ ገልጿል።

ማህበረሰቡ ያልተረጋገጡ መረጃዎችን ከማጋራትም ሆነ በመረጃዎቹ ከመረበሽ መቆጠብ እንዳለበት እና አላስፈላጊ ሽብር ለመፍጠር የሃሰት መረጃ የሚያሰራጩ ሚዲያዎችም ሆነ ግለሰቦች ከድርጊታችሁ እንዲቆጠቡ ድርጅቱ አሳስቧል ።

@YeneTube @FikerAssefa
4.6K views
Öffnen / Wie
2021-12-04 20:06:14 ከሚሴን ጨምሮ በርካታ ከተሞች ከአሸባሪው ህወሓት ነጻ ወጥተዋል - የመንግሥት ኮሙዩኒኬሽን አገልግሎት

በጠቅላይ ሚኒስትር ዐቢይ አሕመድ የሚመራው የጸጥታ ኃይሎች ጥምረት፣ ከሚሴን ጨምሮ በርካታ ከተሞች ከአሸባሪው ህወሓት ነጻ ማውጣቱን የመንግሥት ኮሙዩኒኬሽን አገልግሎት አስታወቀ።

በጠቅላይ ሚኒስትር ዐቢይ አሕመድ የሚመራው የጸጥታ ኃይሎች ጥምረት፣ በ"ዘመቻ ለኅብረ ብሔራዊ አንድነት" ባካሄደው ኦፕሬሽን፣ የተለያዩ ከተሞችን ከአሸባሪው ሕወሐት ነጻ የማውጣቱን እና በጥልቀት በመግባት የአሸባሪውን ጀሌዎች የመማረክ እና የመደምሰስ ተግባሩን ቀጥሏል።

በዚህም መሠረት በጋሸና ግንባር ቀውዝባና ጭላ ከተሞችና አካባቢያቸው ከአሸባሪው ኃይል ነጻ የወጡ ሲሆን፣ በወረኢሉ ግንባር በተደረገው ኦፕሬሽን ደግሞ አጅባር፣ ተንታ እና ዶባ ከተሞች እና አካባቢያቸው ነጻ ወጥተዋል።

በተያያዘም፣ በከሚሴ ግንባር ማጀቴን፣ ጭረቲን፣ ከሚሴን፣ ርቄን፣ ወለዲን፣ አልቡኮ ከተሞችን እና የቃሉ ወረዳን አብዛኛውን ክፍል በመቆጣጠር፣ ጥምር ጦሩ ወደ ኢንዱስትሪ ከተማዋ ኮምቦልቻ እየገሠገሠ ይገኛል።

ዛሬ እና ትናንት በተደረጉት ከፍተኛ የማጥቃት ኦፕሬሽኖች አብዛኛው የአሸባሪው ኃይል ከመቼውም ጊዜ በላይ እንዲበተን ተደርጓል።

@YeneTube @FikerAssefa
8.2K views
Öffnen / Wie
2021-12-04 16:08:23 ሕወሃት በአፋር ክልል የተፈፀመው ወረራ ባደረሰው ኢኮኖሚያዊና ማህበራዊ ቀውስ ሳቢያ በክልሉ ከ1.3 ሚሊዮን በላይ የሚሆን ህዝብ ለጉዳት ተጋልጧል ተባለ፡፡

ቡድኑ በአፋር ክልል 21 ወረዳዎች ላይ ባደረሰው ጥቃት ከ360,000 በላይ ዜጎች ከመኖሪያቸው መፈናቀላቸውም ተነግሯል፡፡

ጉዳት በደረሰባቸው በእዚሁ ወረዳዎች የሚገኙ እንደ ትምህርት ቤትና ሆስፒታል ያሉ አገልግሎት መስጫ ተቋማት ሙሉ በሙሉ መውደማቸው የተነገረ ሲሆን ዜጎች በከፍተኛ ችግር ውስጥ ናቸው ተብሏል፡፡

ይህን የሰማነው በአፋር ክልል በጦርነቱ ምክንያት ለደረሰው ጉዳት ድጋፍ ለማሰባሰብ በአዲስ አበባ የተቋቋመው ግብረ ሀይል መግለጫ በሰጠበት ወቅት ነው፡፡

የአፋር ልማት ማህበር ከአፋር ተወላጆችና ወዳጆች ጋር በመሆን ያቋቋመው ግብረ ሀይል በህወሃት ወረራ ምክንያት ለተፈናቀሉት ዜጎች፤ ቡድኑን ለመፋለም ለዘመቱትና ለቤተሰቦቻቸው ድጋፍ ለማሰባሰብ እንቅስቃሴ መጀመሩን ተናግሯል፡፡

የግብረ ሀይሉ ሰብሳቢ ወ/ሮ ዘሀራ ዑመድ የአፋር ህዝብ ለኢትዮጵያና ለኢትዮጵያዊነት እየከፈለ ላለው መስዋዕትነት ሁሉም ኢትዮጵያዊ አጋርነቱን ሊያሳይ ይገባል ብለዋል፡፡

የአፋር ህዝብ ከጦርነቱም ቀድሞ በጎርፍ ፣ በአንበጣ እና በድርቅ ምክንያት ብዙ ፈተና ያየ ህዝብ መሆኑን የተናገሩት ወ/ሮ ዘሀራ አሁን የደረሰበት ሰብአዊና ቁሳዊ ጉዳት በእንቅርት ላይ ጆሮ ደግፍ ሆኖበታል ብለዋል፡፡

ህወሃት ጥቃት ከፈፀመባቸው አካባቢዎች የተፈናቀሉ ዜጎችን ተቀብለው ያስተናገዱ የነበሩ የክልሉ ነዋሪዎች በተደራረበባቸው ችግር ምክንያት ራሳቸውም እርዳታ ፈላጊ እንደሆኑ ተናግረዋል፡፡

የህወሃት ቡድን በአገልግሎት መስጫ ተቋማት ላይ የፈፀመው ዝርፊያና ውደመት በቃላት ለመግለፅ የሚከብድ መሆኑን ያብራሩት ወ/ሮ ዘሀራ ቡድኑ የህክምና ቁሳቁስ መዝረፍ አልበቃ ብሎት ይዞ መሄድ ያልቻላቸውን አውድሞ ወጥቷል ብለዋል፡፡

የአፋር ህዝብ ሀብት የሆኑ የቁም እንስሳትን ጭምር በጥይት ደብድቦ መግደሉን ተናግረዋል፡፡

አዲስ አበባ በሚኖሩ የአፋር ተወላጆች የተቋቋመው የድጋፍ አሰባሳቢ ግብረ ሀይል በክልል ደረጃ ከተቋቋመው አቢይ ኮሚቴ ጋር በጋራ እየሰራ መሆኑን ሰምተናል፡፡

የቁሳቁስ ድጋፍ ለማድረግ ከፈቀዳችሁ በአዲስ አበባ አዋሬ አካባቢ በሚገኘው የሱልጣን አሊ ሚራህ መስጊድ እየመጣችሁ አድረሱን ብለዋል፡፡

የትኛውንም ዓይነት ድጋፍ ከምስጋና ጋር እቀበላለሁ ያለው ግብረ ሀይሉ የገንዘብ ድጋፍ የምታደርጉ ደግሞ በኢትዮጵያ ንግድ ባንክ 1000444559512 ሒሳብ ቁጥር በኩል ማስገባት ትችላላችሁ ብሏል፡፡

[Sheger]
@YeneTube @FikerAssefa
10.8K views
Öffnen / Wie
2021-12-04 16:02:41
Picture 1 from YeneTube 2021-12-04 16:02:41
መሰረታዊ የጤና ትምህርትን ኅብረተሰቡ በነፃ የሚያገኝበት ማዕከል ተመረቀ፡፡

‹‹የጤና ትምህርት ለሁሉም›› በሚል መሪ ቃል በተጀመረው የማኅበረሰብ የጤና ስልጠና ማዕከል ለህብረተሰቡ ውስብስብ ባልሆኑ እና አሳታፊ በሆኑ መንገዶች የጤና እውቀት ማስጨበጫ ይሰጣልም ተብሏል፡፡

iTena(አይ ጤና) በተሰኘው ተቋም የሚሰጠው ይህ አገልግሎት ከዚህ ቀደም የጤና ትምህርት የጤና ባለሙያ መሆን ለሚፈልግ ሰው ብቻ መሰጠቱን የሚያስቀር መሆኑም የተቋሙ መስራችና ዋና ስራ አስኪያጅ ዶ/ር እየሩሳሌም ማሞ ገልፀዋል።

በማዕከሉ ወሳኝ የጤና ትምህርት ናቸው ተብሎ በሚታመንባቸው የጤናማ አመጋገብ ስርዓቶች፣ የስነ ተዋልዶ እና የቤተሰብ ምጣኔ ትምህርቶች፣ እንደ ስኳር እና የደም ግፊት አይነት ተላላፊ ያልሆኑ በሽታዎች ፣እንደ ሰሞነኛው የኮቪድ 19 ወረርሽኝ አይነት ተላላፊ በሽታዎች እና ሌሎችም ትኩረት ተደርጎ ይሰጣልም ብለዋል።

በተጨማሪም ከበሽታ መከላከያ ትምህርቶች ባሻገር በተለያዩ በሽታዎች ለተጠቁ የህብረተሰብ ክፍሎች በሽታው የባሰ ጉዳት እንዳያደርስባቸው ማድረግ ስላለባቸው ጥንቃቄዎች እና አጠቃላይ ማንቃት ላይ ያተኮሩ ትምህርቶች እንደሚሰጡም አሳውቀዋል።

ይህም በቀላሉ ሊድኑ በሚችሉ በሽታዎች ሕይወታቸው የሚያልፍ ዜጎችን ቁጥር ለመቀነስ ከፍተኛ ሚና እንዳለው ነው የተነገረው፡፡

iTena(አይ ጤና) በ አራት ሃኪሞች የተመሰረተ እና ለማህበረሰቡ የቆመ ድርጅት መሆኑን የሚገልፅ ሲሆን ከዚህ አገልግሎት በተጨማሪም የህክምና ጥሪ ማዕከል፣ የቤት ለቤት ህክምና እነዲሁም እና ተቋማት ላይ ያተኮረ የጤና አገልግሎትን በመስጠት ላይ እገኛለሁ ብሏል፡፡

[አሐዱ]
@YeneTube @FikerAssefa
10.1K views
Öffnen / Wie
2021-12-03 22:23:33
Picture 1 from YeneTube 2021-12-03 22:23:33
ደብረ ሲና ሌሎች የአካባቢው ከተሞች የኤሌክትሪክ አገልግሎት አገኙ!

የአማራ ክልል ኤሌክትሪክ አገልግሎት ከወራሪው ቡድን ነፃ የሆኑ ከተሞችንና የገጠር አካባቢዎችን እንደገና የኤሌክትሪክ አገልግሎት ተጠቃሚ ለማድረግ ርብርብ እያደረገ ይገኛል፡በዚሁ መሰረት በዛሬው ዕለት ደብረ ሲና፣ ጣርማ በር፣ የለን፣ ተሬ፣ ራሳ፣ ኩማሜ እና በሸዋ ሮቢት ዙሪያ ያሉ ሌሎች የገጠር ከተሞች የኤሌክትሪክ ኃይል አግኝተዋል፡፡

የትህነግ ቡድን ሰሜን ሸዋ ዞን በገባበት ወቅት የወደሙና የተጎዱ የኤሌክትሪክ መሰረተ ልማቶችን በመጠገንና መልሶ በመገንባት ኤሌክትሪክ እንዲያገኙ ለማድረግ የደብረ ብርሃን ዲስትሪክት ሰራኞች ከፍተኛ ርብርብ እያደረጉ ነው፡፡በዚህም የመካከለኛ እና የዝቅተኛ መስመር ፍተሻና ጥገና ተጠናቆ የተጠቀሱት አካባቢዎች ኤሌክትሪክ ማግኘታቸውን የዲስትሪክቱ ዳይሬክተር አቶ ሙሉጌታ ደሳለኝ መናገራቸውን ከኢትዮጵያ ኤሌክትሪክ አገልግሎት ያገኘነው መረጃ ያመለክታል፡፡

@YeneTube @FikerAssefa
9.2K viewsedited  
Öffnen / Wie
2021-12-03 20:22:29 በጠቅላይ ሚኒስትር ዐቢይ አሕመድ የሚመራው የጸጥታ ኃይሎች ጥምረት በአሸባሪው ሕወሐት ተይዘው የነበሩትን የመሐል ሜዳ፣ ጨፋ ሮቢት፣ ሐርቡና መኮይ ከተሞች ነጻ ማውጣቱ ተሰምቷል።

ከየቦታው የተመታው አሸባሪው ኃይል ዘርፎና አውድሞ፣ መሣሪያውንም ይዞ እንዳይወጣ የየአካባቢው ሕዝብ ተደራጅቶ መንገድ በመዝጋት፣ የአሸባሪውን ጀሌዎች በመማረክ እምቢ ባሉትም ላይ ርምጃ በመውሰድ የሚጠበቅበትን ሁሉ እንዲያደርግ በዚሁ አጋጣሚ ዳግም ጥሪ ቀርቦለታል።

@YeneTube @FikerAssefa
11.7K viewsedited  
Öffnen / Wie
2021-12-03 17:43:37 የአስቸኳይ ጊዜ አዋጅ ዕዝ መግለጫ አውጥቷል።

ሙሉ መግለጫው እንደሚከተለው ቀርቧል።

የህልውና ዘመቻው መዳረሻ አሸባሪው ሕወሐት ዳግም የኢትዮጵያ ሀገረ መንግሥት ፈተና እንዳይሆን ማድረግ ነው፤

በክቡር ጠቅላይ ሚኒስትር ዐቢይ አሕመድ የሚመራው የጸጥታ ኃይሎች የጋራ ጥምረት በሚያካሄዱት ‹ዘመቻ ለኅብረ ብሔራዊ አንድነት› ወደ ተወረሩት አካባቢዎች በጥልቀት በመግባት፣ አሸባሪው ሕወሐት ትጥቁን፣ ስንቁን፣ ኃይሉንና ጀሌውን እንዲሁም የዘረፈው ንብረት ይዞ እንዳይወጣ እያደረገ ይገኛል፡፡ እጅ ለመስጠት ፈቃደኛ ያልሆነውንም እየደመሰሰው ይገኛል፡፡

ባለፉት ሁለት ተከታታይ ቀናት በተደረገው ኦፐሬሽን በሸዋ ግንባር የቀወት ወረዳ፣ ለምለም አምባ፣ ጀውሐ፣ ሰንበቴ፣ አጣየ እና ካራ ቆሬ ከተሞችና አካባቢዎች ከወራሪው ኃይል ነጻ ወጥተዋል፡፡ በጋሸና ግንባር ደግሞ ኮን እና ዳውንት ሙሉ በሙሉ ከአሸባሪው ጸድተዋል፡፡ በወረኢሉ ግንባር ልጓማ ከተማ ነጻ ወጥታለች፡፡ በተወረሩት አካባቢዎች የጸጥታ ኃይሎች የጋራ ጥምረት ባካሄዱት ኦፐሬሽን በሺዎች የሚቆጠሩ የአሸባሪው ሕወሐት ጀሌዎች እጃቸውን እየሰጡ ይገኛሉ፡፡

የየአካባቢው የሃይማኖት አባቶችና የሀገር ሽማግሌዎች፣ በየጢሻው የገባውን የአሸባሪ የሕወሐት ጀሌ እጁን በሰላም እንዲሰጥ እያደረጋችሁ ያላችሁትን ጥረት አጠናክራችሁ እንድትቀጥሉ መንግሥት ያሳስባል፡፡ ኅብረተሰቡም በየአካባቢው የተበተነውን የአሸባሪው የሕወሐት ጀሌ ተደራጅቶ በመማረክ፣ የነፍስ ወከፍ መሣሪያውን እንዲታጠቅ፣ የቡድንና ሌሎች መሣሪያዎችን ደግሞ ለጸጥታ አካላት እንዲያስረክብ በድጋሚ ጥሪ ቀርቦለታል፡፡ ምርኮኛን መከባከብ የጀግንነት ባህላችን አንድ አካል በመሆኑ ማኅበረሰቡ ምርኮኞችን ለጸጥታ አካላት እንዲያስረክብ መንግሥት ጥሪ ያደርጋል፡፡

አሸባሪው ሕወሐት እየተሸነፈ በመሆኑ በግንባር ያጣውን ድል በሐሰት መረጃ ለመሸፈን እየጣረ ነው፡፡ አሸባሪው ሕወሐት የኢትዮጵያ ልጆችን ብርቱ ክንድ መቋቋም አቅቶት ሲፍረከረክ፣ የአሸባሪው አመራሮች መሸነፋቸውን ላለማመንና ወጣቶችን ውጤት በሌለው ጦርነት አሁንም ለመማገድ በማሰብ፣ ስልታዊ ማፈግፈግ አድርገናል በማለት ራሱንና ተስፈኛ ጋላቢዎቹን በማጽናናት ላይ ይገኛል፡፡

አሸባሪው ሕወሐት ከዚህ በኋላ ለወረራ የገቡ ጀሌዎቹን የሚያድንበት ዐቅም የለውም፡፡ ወደተወረሩ አካባቢዎች የገባው የአሸባሪው ሕወሐት ጀሌ ሁሉም የመውጫ በሮች ተዘግተውበታል፡፡ በመሆኑም ወራሪው ኃይል በከንቱ ያሰለፋችሁ ወጣቶች ከዚህ በኋላ ማምለጫ እንደሌላችሁ ተገንዝባችሁ፣ እጃችሁን ለጸጥታ አካላት በመስጠት፣ ራሳችሁን እንድታድኑ መንግሥት ያሳስባል፡፡

በጠቅላይ ሚኒስትሩ የሚመሩት የጸጥታ ኃይሎች ጥምረት ነጻ ያልወጡ አካባቢዎችን በተሟላ መልኩ ነጻ ለማውጣት በተጋድሎ ላይ ይገኛሉ፡፡ ከዚህም አልፎ ሁላችን ተባብረን አሸባሪው ኃይል ዳግም የኢትዮጵያ ሀገረ መንግሥት ፈተና እንዳይሆን ማድረግ ይጠበቅብናል፡፡

ለዚህ ደግሞ የመከላከያ ኃይላችንን በሰው ኃይል፣ በአደረጃጀትና በትጥቅ ዐቅም አጠናክረን በማንኛውም ወገን የሚታፈርና የሚከበር መከላከያ ኃይል መገንባት ይገባናል፡፡ መከላከያ ኃይላችንን በተሻለ ሁኔታ ለመገንባትም ሕዝቡ የጸጥታ አካላትን ለመደገፍ የጀመረውን ርብርብ ከበፊቱ በተሻለ መንገድ አጠናክሮ መቀጠል አለበት፡፡ ወጣቶችም የመከላከያ ሠራዊቱን በብዛትና በዓይነት በመቀላቀል ሀገራቸው መቼምና በማንም የማትደፈር እንዲያደርጉ ታሪካዊ አደራ አለባቸው፡፡

አሸባሪው ሕወሐት ለሰው ልጅ ኑሮና ለሰብአዊ መብት የማይጨነቅ፤ የዕድገትና ለሥልጣኔ ፀር የሆነ እኩይ ኃይል መሆኑን በወረራ በያዛቸው አካባቢዎች በገሐድ አሳይቷል፡፡ ማኅበራዊ ተቋማትን አፈራርሶና አውድሞ፣ የግለሰቦችን ንብረት ዘርፎና አጥፍቶ፣ የየአካባቢውን ነዋሪዎች ረሽኖ፣ ሴቶችን ደፍሮና በሕጻናት ላይ አሰቃቂ ጉዳት አድርሶ በሰው ልጅ ላይ ተፈጽሞ የማያውቅ ከባድ ወንጀል ፈጽሟል፡፡ የሃይማኖት ቦታዎችን አርክሷል፤ አውድሟል፤ ቅዱሳት መጻሕፍትን አቃጥሏል፡፡

ታሪካዊ ቦታዎችንና ቅርሶችን አፈራርሷል፡፡ ለዚህም ነው አሸባሪው ሕወሐት የትግራይን ሕዝብ አይወክልም የምንለው፡፡ በመሆኑም ይሄን የአሸባሪው ሕወሐት የጥፋት ተግባር ለሰዎች መብት የሚታገሉ ሁሉ ሊያወግዙት ይገባል፡፡ ለእኛ ለኢትዮጵያውያን የህልውና ዘመቻው መዳረሻ አሸባሪው ሕወሐት ዳግም የኢትዮጵያ ሀገረ መንግሥት ፈተና እንዳይሆን ማድረግ ነው፤ ለዚህ ደግሞ ኅብረተሰቡ የጀመረውን ሁለንተናዊ ድጋፍ እስከመጨረሻው አጠናክሮ ሊቀጥል ይገባዋል፡፡

ድላችንን የምናስከብረው በተባበረ ክንዳችን ነው፡፡

[የአስቸኳይ ጊዜ አዋጅ ዕዝ]
@YeneTube @FikerAssefa
14.2K views
Öffnen / Wie
2021-12-03 16:22:18
Picture 1 from YeneTube 2021-12-03 16:22:18
የሰነዶች ማረጋገጫና ምዝገባ ኤጀንሲ ላልተወሰነ ጊዜ አቋርጦት የነበረውን የብድር ውልን የማረጋገጥ አገልግሎት ነገ እንደሚጀምር አስታወቀ

የሰነዶች ማረጋገጫና ምዝገባ ኤጀንሲ ከሐምሌ 5 ቀን 2013 ዓ.ም ጀምሮ ላልተወሰነ ጊዜ ተቋርጠው ከነበሩ አገልግሎቶች መካከል የብድር ውልን የማረጋገጥ አገልግሎት ብቻ ከነገ ህዳር 25 ቀን 2014 ዓ.ም ጀምሮ አገልግሎት መስጠት እንደሚጀምር በማህበራዊ ትስስር ገጹ አስታውቋል፡፡

@YeneTube @FikerAssefa
14.4K views
Öffnen / Wie
2021-12-03 14:50:28
Picture 1 from YeneTube 2021-12-03 14:50:28
የከረዩ አባገዳ ከድር ሀዋስ ቦሩ በአሸባሪው ሸኔ መገደላቸውን የኦሮሚያ ኮሙዩኒኬሽን ቢሮ ገለጸ፡፡

በከረዩ አባገዳ ላይ በአሸባሪው ሸኔ በተፈጸመው አሰቃቂ ግድያ የኦሮሚያ ክልላዊ መንግስት የተሰማውን ሀዘን ገልጿል፡፡

ሸኔ በየጊዜው በሰላማዊ ዜጎች ላይ የሚፈጽመው ግድያ አሸባሪው ቡድኑ ሕዝባዊ ዓላማ እንደሌለው ማረጋገጫ መሆኑን የክልሉን ኮሙዩኒኬሽን ቢሮ ዋቢ አድርጎ ኢብኮ ዘግቧል፡፡

@YeneTube @FikerAssefa
15.7K views
Öffnen / Wie