Asmaa Al-Sabbagh

2023-05-30 23:57:50 Öffnen / Wie

2023-05-27 23:54:35 اليوم هو اخر أمتحان للصفوف غير المنتهية
نتمنى دوم التوفيق والنجاح لطلبتنا الأعزاء

وأيضاً هنالك أمر أود تطبيقة #بمساعدتكم
هو الأستفادة من #الكتب الدراسية للطلبة الذين يواجهون صعوبات في تجيهز أنفسهما بالكتب الدراسية
في السنة الدراسية القادمة

هذا المنشور مجرد فكرة إذا كان هنالك أقبال وحماس لأنجاح هذا العمل الخيري البسيط الذي سيفرح أناس كثيرة ويخلصهم من تكاليف أضافية

سيتحول الأمر الى أرض الواقع ويطبق
ويتم الأتفاق على أمور العمل لاحقاً

ودمتم بخير Öffnen / Wie

2023-05-26 23:28:27 Öffnen / Wie

2023-05-25 12:04:42 من تفرغ المدرسة وابقى وحدي بعد يوم طوووويل ومتعب . Öffnen / Wie

2023-05-21 08:38:35 ريانة برناوي عالمة الهندسة الوراثية وتطوير الانسجة والباحثة في مجال الخلايا الجذعية السرطانية ورائدة الفضاء السعودية، اليوم ستنطلق الى محطة الفضاء الدولية لتكون اول رائدة فضاء ناطقة بالعربية. Öffnen / Wie

2023-05-20 22:17:54 اهمية الزي المدرسي

يعتبر الزي ، واحد من اهم العوامل ، الي تنطينا انطباع مسبق عن صاحبها ، فمن خلال الملابس بس ، نكدر نعرف ذوق الفرد بالالوان ، مدى ترتيبه واهتمامه بنظافته الشخصية ، وحتى ممكن تعكس توجه حياته والمبادئ الي يؤمن بيها ، والزي المدرس واختياره ، يعكس هواي امور و مهم من هواي نواحي اهمها :
١_ازالة الفروق الفردية والطبقية بين ابناء الصف الواحد.
٢_توفير وقت وعناء الطالب بأختيار الملابس المناسبة صباحا .
٣_تخفيف التكلفة المادية عن اولياء الامور ، خاصة العوائل المتعففة .
٤_ترك انطباع عن الانضباط وجدية الطالب في اداء دروسه .
٥_ ترك انطباع عن انضباط المدرسة ، وملائمة الجو العام فيها لجميع التلاميذ .
٦_ التقليل من الغيرة السلبية بين الطلبة ، و التي تؤدي الى مشاكل مستقبلية بين الطلاب .
٧_ الراحة البصرية التي يوفرها الزي المدرسي للطلاب والمدرس داخل الصف ، حيث ان كثرة الالوان تشتت الذهن والتركيز .
٨_ وضع الطالب في مرحلته العمرية الصحيحة ، وعدم تجاوزها .

يعكس الطالب الملتزم بالزي المدرسي ، صورة رائعة عن نفسه ، وعن انضباطه ، وجديته في المرحلة الدراسية .

ولكم دوام التوفيق و التفوق Öffnen / Wie

2023-05-18 10:36:56 النقطة الثانية بالتصويت (الشغف)
وتعمدت اخليها للسبب التالي:

للاسف الشغف شي ماله وجود اطلاقا .
هي مجرد حالة مثالية يتحجج بيها العقل حتى يبرر كسله .


طيب راح تسأل اكيد : ليش مرات احس بطاقة رهيبة للدراسة او الشغل ، هذا مو شغف ؟

لا هذا مو شغف ، هاي هرمونات انفرزت لسبب معين ، او مثير معين ، مثل:
١_مدح معين من طرف شخص تثق بي .
٢_تحدي معين تدخل بي وانت تحاول تثبت لشخص او لنفسك ، انك افضل .
٣_مشاهدة فيديو تحفيزي او دراسي على اليوتيوب او الانستغرام .

زين هسه بعد ما عرفت ان الشغف ماله وجود ، شراح تسوي ؟
راح بكل بساطة تبطل تتحجج ، وتبطل تنتظر ظروف مثالية ، وتبطل تعتقد ان الامور باجر راح تتحسن ولما تتحسن راح تبدي .
ابدي وبس . Öffnen / Wie

2023-05-17 19:32:46 تعالو خل نناقش نتائج التصويت وحدة وحدة

النسبة الاغلب صوتت على ان الهاتف هو السبب الاول بالتأثير .
انا اسفة اني اكول الكم ، ان الابتعاد عن الهاتف قرار ، ماكو اي نصيحة بالدنيا ممكن اتطبقها وتحسن الوضع اذا مو انت تقرر تحسنه بنفسك .

١_ استخدام الهاتف لوقت محدد ولفترة محددة (قرار) .
٢_حذف التطبيقات الي ممكن تكون مشتته ومضيعة للوقت (قرار).
٣_ وضع حد لسيطرة الهاتف على عقلك و ذهنك قرار .



لا تنشر ستوري ، وتسد النت وتروح تقرأ ، ذهنك راح يتشتت وراح يبقى بالك يم ( منو شاف الستوري ، منو علق ، شنو رد )
كمل دراستك يلا تنشر ستوري
.................................ه
لما تفتح الجهاز حتى تتاكد من سؤال او تسال مدرس ، لتضيع الموضوع الرئيسي وتروح لمواقع التواصل.
كون صارم وي نفسك ، في حال ما كدرت تعطل المواقع ، حدد الها وقت للاستخدام
....................ه
الانستا والفيس موجودات مراح يطيرن ، وصدكوني حتى المنشورات والفيديوات وغيرهن باقيات نفسهن مراح يتغيرن ، نفس الروتين ونفس المحتوى .
بس ذني الشهرين اذا راحن ، راح تكون خسارتهن مدمرة ، لنفسيتكم ، ولدراستكم .


يارب دائما تكونون بخير Öffnen / Wie

2023-05-16 13:41:29 مرحبا
دائما نكول تأثير الاشياء على الانسان الواعي ، مختلف عن تأثيرها على الانسان الغافل.

تعالو نحجي عن تأثير الريلز على شخصية الانسان على المدى البعيد

سبق ناقشنا فكرة ان الامور البسيطة الي تمر بالانسان بحياته اليومية ، ولو بسرعة ، تنطبع بشخصيتة على المدى البعيد وتكون جزء منها بدون ما يحس .
كل احنه نتابع العشرات من مقاطع الريلز بشكل يومي ، وتسرق من عدنا وقت جبير يوصل ل٥ الى ٦ ساعات يوميا .
بغض النظر عن هالوقت الرهيب الي جاي يضيع على ولا شي ، للريلز تأثيرات جبيرة على شخصية الانسان منها
١_التأثير على الذوق العام للمجتمع بصورة عامة ، والفرد بصورة خاصة .
٢_ قلة الصبر على الامور
٣_عدم القدرة على متابعة فيديو او بوست طويل حتى وان كان مهم
٤_التسرع والاستعجال ، الي تنطبع بالشخصية على المدى البعيد
٥_ الضجر من المنشورات الكلامية الطويلة .
٦_الضجر من بوستات التوعية والتثقيف والاخبار العامة المهمة ، والاكتفاء برؤية امور سريعة بدون فائدة .

تذكر دائما ، خاصية التسريع ، خاصية تقديم المشاهد او تقديم الفيديو ، خاصية الريلز او الشورت باليوتيوب ( تخلق منك انسان مستعجل، ما يحترم الوقت ولا يعرف اهميته ، يبحث عن السرعة فقط) Öffnen / Wie

2023-05-15 19:53:28 قبل اسبوع اعلنت منظمة الصحة العالمية عن انتهاء جائحة كورونا بالعالم بشكل تام .
وهسه انا برأيي صار وقت نناقش موضوع مهم جدا ، لمست تأثيره على الطلاب بالعام الماضي ، واتمنى ما ارجع اشوفه بالعام القادم الي هو :
((تأثير ارتداء الكمامة على شخصية الطالب ))

تعود الطالب خلال ال٣ سنوات الي مضت على ارتداء الكمامة بشكل كامل طول اليوم
وكبر وهي جزء منه ، هالشي سبب لبعض الطلاب صعوبات هواي منها :
١_عدم القدرة على التخلي عن الكمامة
٢_عدم القدرة على مواجهة المجتمع بالوجه الكامل .
٣_قلة ثقة الطالب بجمالية ملامحه ، والخجل منها.
٤_الخجل من ابداء المشاعر ، كالفرح والحزن وتبادلها مع المحيطين .
٥_قلة ثقة الطالب بنفسه ، وبشخصيتة والاكتفاء فقط بالتركيز على الخجل من ملامح الوجه .

بالعام الماضي واجهت صعوبات هواي بالتصدي لهذا الموضوع ، نجحت باقناع بعض الطالبات بالتخلي عن الكمامة وفشلت بأقناع البعض .

اتمنى من اهل الطلاب الانتباه لاهمية هالموضوع ، ومدى تأثيره على الطالب على المدى البعيد .
واتمنى ان تبدا الاهالي بالعمل الجاد ، حتى يخلصو ابنائهم من الخجل الاجتماعي الي تولد نتيجة ارتداء الكمامة بشكل دائم .

دمتم بخير وعافية . Öffnen / Wie