تفكُّر المرض والمريض والأمراض انذكروا بالقُرآن الكريم ثلاث | نُدبَـــة.
تفكُّر
المرض والمريض والأمراض انذكروا بالقُرآن الكريم ثلاثتهم بحيث فقط كلمة "مرضٌ" وردت بالقُرآن 12 مرّة تقريبًا
ومن بين هذني الـ 12 مرّة ولا مرّة رب العالمين يقصد بيها مرض الجسد بكل المرّات أشار لـ مرض القلوب وبناء على هذا كُل الآيات أجت بهالصيغة ﴿فِي قُلُوبِهِم مَّرَضٌ﴾
وبعد كلمة مرض نشوف سبب المرض -ذنوب -نفاق -رجس -كذب -ظلم
نجي من ناحية ثانية هسه أغلب الناس تعاني من أمراض جسدية والأطبّاء صاروا بكُل مكان
بحيث اليوم اقل شيء بسيط يصيب الإنسان لابُد من أنُ يراجع الطبيب
وأكو بعض الناس من خوفهم وحرصهم على اجسادهم تشوفهم يراجعون الأطبّاء على أشياء تافهه ومتستاهل المُراجعة
احنه معلينه بالناس لكن الّي علينه بيه
لشوكت راح نبقّى نعمّر اجسادنه ونختارلها أفضل الأطبّاء لكن أنفسنا مهدومة بالذنوب؟
خلي نتوجه لأجمل طبيب بالوجود و ناخذ العلاج إلي هوَ مجاني
بمرور الوقت راح يصير عدنه وقاية من مرض الذنوب
بس تدرون شنو السبب إلي يخلي الانسان ما يتعامل وي الذنب على إنهُّ مرض -النَفِس -ابليس -بالاضافة الى الاصدقاء !
تصور من تسوي ذنب يجي احد اصدقائك يگلك لازم تاخذ علاج حتى تتشافى من هذا الذنب
